অসমৰ উদ্যোগিক ক্ষেত্ৰত Tata Semiconductor Jagiroad প্ৰকল্পটোৱে এক নতুন ইতিহাস ৰচনা কৰিছে। অসমৰ ঔদ্যোগিক ইতিহাসত এক নতুন অধ্যায়ৰ সূচনা কৰি মৰিগাঁও জিলাৰ জাগীৰোডত টাটা গ্ৰুপৰ দ্বাৰা এক বিশাল ছেমিকণ্ডাক্টৰ এচেম্বলি এণ্ড টেষ্টিং (OSAT) গোট স্থাপন কৰা হৈছে।
প্ৰায় ২৭,০০০ কোটি টকা বিনিয়োগেৰে নিৰ্মাণ কৰিবলগীয়া এই প্ৰকল্পটোৱে কেৱল অসম নহয়, সমগ্ৰ উত্তৰ-পূৰ্বাঞ্চলৰ অৰ্থনীতি আৰু শৈক্ষিক প্ৰেক্ষাপট সলনি কৰাৰ সম্ভাৱনা কঢ়িয়াই আনিছে।প্ৰকল্পৰ ক্ষমতা আৰু গোলকীয় প্ৰভাৱ জাগীৰোডৰ এই কাৰখানাত প্ৰতিদিনে প্ৰায় ৪৮ নিযুত (৪.৮ কোটি) চিপ তৈয়াৰ কৰাৰ লক্ষ্য নিৰ্ধাৰণ কৰা হৈছে।
এই চিপসমূহ বিভিন্ন আধুনিক ক্ষেত্ৰত ব্যৱহাৰ কৰা হ’ব:
স্মাৰ্টফোন আৰু কম্পিউটাৰ: বিশ্বৰ আগশাৰীৰ মোবাইল কোম্পানীবোৰৰ বাবে চিপ ৰপ্তানি কৰা হ’ব।
বৈদ্যুতিক বাহন (EV): ভৱিষ্যতৰ ই-বাহনসমূহৰ বাবে প্ৰয়োজনীয় চিপ ইয়াতেই নিৰ্মাণ হ’ব।
কৃত্ৰিম বুদ্ধিমত্তা (AI): AI ডাটা চেণ্টাৰৰ বাবে লগা চিপসমূহ ইয়াত পৰীক্ষণ কৰা হ’ব।
২৭,০০০ চাকৰিৰ বিশাল সুযোগ এই প্ৰকল্পটোৰ আটাইতকৈ ইতিবাচক দিশটো হ’ল বিশাল কৰ্মসংস্থাপন।
পোনপটীয়া সংস্থাপন: এই প্লাণ্টত প্ৰায় ১৫,০০০ মানুহে পোনপটীয়াভাৱে কাম কৰাৰ সুযোগ পাব।
পৰোক্ষ সংস্থাপন: ইয়াৰ উপৰিও টাটাৰ সহযোগী উদ্যোগসমূহ (Supply chain vendors) আৰু লজিষ্টিক খণ্ডত আৰু প্ৰায় ১২,০০০ ৰ পৰা ১৩,০০০ মানুহৰ কৰ্মসংস্থাপন হ’ব।
কোনসকল শিক্ষাৰ্থীৰ বাবে এইটো আটাইতকৈ ডাঙৰ সুযোগ ?
এই প্লাণ্টত কাম কৰিবলৈ তলত দিয়া অৰ্হতা থকাসকলক অগ্ৰাধিকাৰ দিয়া হ’ব:
বৰ্তমান সময়ত এটা সঠিক ট্ৰেডত ITI কৰাটো কেৱল এটা শিক্ষা নহয়, বৰঞ্চ এক নিশ্চিত কৰ্মসংস্থাপনৰ গেৰাণ্টি।অধিক জানিবলৈ আমাৰ এই নিৰ্দেশিকাটো পঢ়ক:http://অসমত ITI কেৰিয়াৰ গাইড আৰু ভৱিষ্যতৰ সুযোগ
ITI ছাত্ৰ-ছাত্ৰী:
বিশেষকৈ Electronics Mechanic, Electrician, Fitter, আৰু Instrumentation ট্ৰেডৰ শিক্ষাৰ্থী।
Diploma Holders:
Electrical, Electronics, Mechanical আৰু Computer Engineering-ৰ ডিপ্লমা থকাসকল।
B.Tech/BE:
যিসকলে Electronics & Communication বা তেনেধৰণৰ বিষয়ত ইঞ্জিনিয়াৰিং কৰিছে।
অসমৰ অৰ্থনীতি আৰু জাগীৰোডৰ পৰিবৰ্তনএসময়ৰ হিন্দুস্তান পেপাৰ ক’ৰ্পোৰেচনৰ (Nagaon Paper Mill) বন্ধ হৈ যোৱা ভূমিতেই এই নতুন উদ্যোগটো গঢ়ি উঠিছে। ইয়াৰ ফলত অহা পৰিৱৰ্তনসমূহ হ’ল:
আন্তঃগাঁথনি: জাগীৰোড আৰু ইয়াৰ কাষৰীয়া অঞ্চলৰ ৰাস্তা-ঘাট, বিদ্যুৎ আৰু ইণ্টাৰনেট ব্যৱস্থা উন্নত হ’ব।
স্থানীয় বাণিজ্য: নতুন হোটেল, ৰেষ্টুৰেণ্ট, ঘৰ ভাড়া আৰু সৰু-সুৰা ব্যৱসায়ৰ ব্যাপক বৃদ্ধি ঘটিব।
ছেমিকণ্ডাক্টৰ (Semiconductor) আচলতে কি ?
সহজ ভাষাত ক’বলৈ গ’লে, ছেমিকণ্ডাক্টৰ হ’ল এনে কিছুমান পদাৰ্থ যিবোৰ সম্পূৰ্ণৰূপে বিদ্যুৎ পৰিবাহীও (Conductor) নহয় আৰু সম্পূৰ্ণৰূপে অপৰিবাহীও (Insulator) নহয়। ইয়াৰ মাজেৰে বিদ্যুৎ কিমান পাৰ হ’ব, তাক আমি নিয়ন্ত্ৰণ কৰিব পাৰোঁ। যিহেতু ইয়াৰ মাজেৰে যোৱা বিদ্যুতৰ সোঁতটোক আমি আমাৰ মতে নিয়ন্ত্ৰণ কৰিব পাৰোঁ, সেইবাবেই ইয়াক আধুনিক ইলেক্ট্ৰনিক্সৰ ‘মগজু’ বুলি কোৱা হয়।
আমাৰ দৈনন্দিন জীৱনত ইয়াৰ ব্যৱহাৰ:
স্মাৰ্টফোন আৰু কম্পিউটাৰ: আপুনি ব্যৱহাৰ কৰি থকা মোবাইল ফোন বা লেপটপৰ ভিতৰত থকা প্ৰচেছৰটো লাখ লাখ সৰু সৰু ছেমিকণ্ডাক্টৰ বা চিপৰ দ্বাৰা গঠিত।
ইলেক্ট্ৰনিক সঁজুলি: ঘৰৰ স্মাৰ্ট টিভি, ফ্ৰিজ, ৱাছিং মেচিন আদি সকলোতে এই চিপবোৰ থাকে যিয়ে মেচিনটোক কেনেকৈ কাম কৰিব লাগে সেই নিৰ্দেশ দিয়ে।
বৈদ্যুতিক বাহন (EV): ভৱিষ্যতৰ ই-বাহনসমূহৰ বেটাৰী মেনেজমেণ্ট আৰু ইঞ্জিন কণ্ট্ৰ’ল কৰিবলৈ ছেমিকণ্ডাক্টৰ অপৰিহাৰ্য।
কৃত্ৰিম বুদ্ধিমত্তা (AI): আজিৰ যুগত চৰ্চাত থকা AI প্ৰযুক্তিৰ ডাটা চেণ্টাৰবোৰ চলাবলৈ অতি শক্তিশালী ছেমিকণ্ডাক্টৰ চিপৰ প্ৰয়োজন হয়।
জাগীৰোডত কি হ’ব ?
জাগীৰোডৰ টাটাৰ এই প্ৰকল্পত এই বিশেষ চিপবোৰ তৈয়াৰ কৰাৰ লগতে সেইবোৰ সঠিককৈ কাম কৰিছে নে নাই তাক পৰীক্ষা (Testing) কৰা হ’ব। এইটো অসমৰ বাবে এক গৌৰৱৰ বিষয় কাৰণ ইয়াৰ পৰা নিৰ্মাণ হোৱা চিপ পৃথিৱীৰ চুকে-কোণে থকা মানুহৰ মোবাইল বা গাড়ীত ব্যৱহাৰ হ’ব।
OSAT প্ৰক্ৰিয়াটো আচলতে কি? (How it Works)
জাগীৰোডৰ টাটা প্লাণ্টত চিপসমূহ কেনেকৈ প্ৰস্তুত আৰু পৰীক্ষা কৰা হ’ব, তাৰ ৪টা প্ৰধান ধাপ হ’ল:
চিপ এচেম্বলি (Assembly): প্ৰথমতে, অন্য ঠাইৰ পৰা অহা চিলিকন ৱেফাৰসমূহ (Silicon Wafers) অতি সাৱধানে কাটি সৰু সৰু চিপৰ আকাৰ দিয়া হয়।
পেকিজিং (Packaging) : এই খালী চিপবোৰক সুৰক্ষা দিবলৈ আৰু বিদ্যুৎ পৰিবহণৰ বাবে এটা বিশেষ আৱৰণ বা ‘পেকেজ’ৰ ভিতৰত ভৰোৱা হয়।
টেষ্টিং (Testing): এইটোৱেই আটাইতকৈ গুৰুত্বপূৰ্ণ ভাগ। প্ৰতিটো চিপে স্মাৰ্টফোন বা গাড়ীত সঠিককৈ কাম কৰিবনে নাই, তাক উচ্চপৰ্যায়ৰ মেচিনৰ দ্বাৰা পৰীক্ষা কৰা হয়।
আউটচ’ৰ্চিং (Outsourcing): যিহেতু টাটাই নিজে মোবাইল বা গাড়ী নবনায়, সেয়েহে তেওঁলোকে বিশ্বৰ ডাঙৰ ডাঙৰ কোম্পানীবোৰৰ (যেনে: Apple, Samsung, বা Tata Motors) হৈ এই চিপসমূহ সাজু কৰি দিয়ে।
বিশেষ টোকা:
“প্ৰিয় পাঠকসকল, আমি সদায় সঠিক আৰু শেহতীয়া তথ্যসমূহ আপোনালোকলৈ যোগান ধৰিবলৈ চেষ্টা কৰোঁ। তথাপিও টাইপিং বা বাক্য গঠনত অজানিতে কিবা ভুল ৰৈ গ’লে তাৰ বাবে আমি ক্ষমা বিচাৰিছোঁ। আপোনালোকৰ বহুমূলীয়া পৰামৰ্শই আমাক ভৱিষ্যতে আৰু উন্নত মানদণ্ডৰ লেখা আগবঢ়াবলৈ অনুপ্ৰাণিত কৰিব। এই প্ৰবন্ধটো প্ৰস্তুত কৰোঁতে আমি কিছুমান গুৰুত্বপূৰ্ণ তথ্য গুগল (Google) আৰু টাটা ইলেক্ট্ৰনিক্সৰ (Tata Electronics) অফিচিয়েল উৎসৰ পৰা সংগ্ৰহ কৰিছোঁ। লগতে, কপিৰাইট (Copyright) সম্পৰ্কীয় নীতি-নিৰ্দেশনা মানি চলিবলৈ আমি লিখনীটোত কিছুমান কাল্পনিক বা প্ৰতিনিধিত্বমূলক ছবি (Illustrative/Conceptual Images) ব্যৱহাৰ কৰিছোঁ। প্ৰকৃত দৃশ্যৰ সৈতে ইয়াৰ সাদৃশ্য নাথাকিব পাৰে, যাৰ বাবে আমি দুখিত। আমাৰ মূল উদ্দেশ্য হ’ল পঢ়ুৱৈসকলক সঠিক আৰু সময়োপযোগী তথ্যৰে সহায় কৰা।”
ধন্যবাদেৰে,
Mysmartstudy Team
অসমৰ ছাত্ৰ-ছাত্ৰীৰ বাবে সোণালী সুযোগ:
টাটা ইলেক্ট্ৰনিক্স কেৰিয়াৰজাগীৰোডৰ এই বিশাল প্ৰকল্পত কাম কৰিবলৈ টাটা ইলেক্ট্ৰনিকছে তেওঁলোকৰ অফিচিয়েল পৰ্টেলৰ জৰিয়তে আবেদন গ্ৰহণ কৰে। অসমৰ আগ্ৰহী ছাত্ৰ-ছাত্ৰীসকলে পোনপটীয়াকৈ তলৰ লিংকটোত ক্লিক কৰি নিজৰ দক্ষতা অনুসৰি চাকৰি বিচাৰিব পাৰে:
টাটা ইলেক্ট্ৰনিক্স কেৰিয়াৰ লিংক: অসমৰ প্ৰকল্পৰ বাবে ইয়াত ক্লিক কৰি আবেদন কৰক
বিশেষকৈ ITI, ডিপ্ল’মা আৰু ইঞ্জিনীয়াৰিং কৰা ছাত্ৰ-ছাত্ৰীসকলৰ বাবে ইয়াত নিয়মিত নতুন পদ মুকলি হৈ থাকে।
কোনো ধৰণৰ দালালে চাকৰি দিয়া বুলি কোৱা কথাৰ পৰা সাৱধানে থাকিব আৰু কেবল অফিচিয়েল ৱেবছাইটৰ জৰিয়তেহে আগবাঢ়িব।