”বৰ্তমান সময়ত Career options after HS and Graduation বিচাৰি থকা প্ৰতিগৰাকী শিক্ষাৰ্থীৰ বাবে…” অসমৰ বৰ্তমানৰ প্ৰতিযোগিতামূলক যুগত কেৱল এটা ডিগ্ৰী লাভ কৰাই জীৱনৰ বাবে যথেষ্ট নহয়। আজিৰ দিনত সফল হ’বলৈ হ’লে সঠিক সময়ত সঠিক দিশ নিৰ্বাচন কৰাটো অতি প্ৰয়োজনীয়। আমাৰ বহুতৰে ধাৰণা যে কেৱল শিক্ষকতা বা সাধাৰণ অফিচৰ চাকৰিয়েই একমাত্ৰ পথ, কিন্তু বাস্তৱত কেন্দ্ৰীয় আৰু ৰাজ্যিক চৰকাৰৰ অধীনত প্ৰতি বছৰে হাজাৰ হাজাৰ আকৰ্ষণীয় পদ খালী হৈ থাকে।
আটাইতকৈ গুৰুত্বপূৰ্ণ কথাটো হ’ল— এই পৰীক্ষাসমূহৰ বেছিভাগেই প্ৰতি বছৰে (Every Year) এক নিৰ্দিষ্ট সময়সূচী অনুসৰি অনুষ্ঠিত হয়। গতিকে, এবাৰ বিফল হ’লেও হতাশ নহৈ ধাৰাবাহিক প্ৰস্তুতি চলালে সফলতা নিশ্চিত।
তলত অসম তথা ভাৰতৰ বিভিন্ন খণ্ডত উপলব্ধ সৰ্বশ্ৰেষ্ঠ কেৰিয়াৰৰ বিকল্পসমূহ আলোচনা কৰা হ’ল:
১. শৈক্ষিক দিশ: উচ্চতৰ মাধ্যমিকৰ পাছত কি পঢ়িম?
বিজ্ঞান শাখা (Science Stream)
- চিকিৎসা আৰু অভিযান্ত্ৰিক: NEET-ৰ জৰিয়তে MBBS/BDS আৰু JEE-ৰ জৰিয়তে IIT/NIT-ত ইঞ্জিনিয়াৰিং (B.Tech) বা CEE-ৰ জৰিয়তে AEC/JEC/GEC/DEC/JIST/BVEC/BBEC ইঞ্জিনিয়াৰিং (B.Tech)।
- পেৰা-মেডিকেল: B.Sc Nursing, Pharmacy (B.Pharm), (D.Pharm), Laboratory Technician, Operation Technician, X-ray Technician, ICU Technician আৰু Physiotherapy-ৰ বৰ্তমান স্বাস্থ্য খণ্ডত ব্যাপক চাহিদা আছে।
- কৃষি আৰু পশুপালন: Assam Agriculture University (AAU) আৰু Veterinary Science-ত কেৰিয়াৰ গঢ়িলে চৰকাৰী বিষয়াৰ চাকৰি নিশ্চিত কৰা সহজ হয়।
বাণিজ্য শাখা (Commerce Stream)
- বৃত্তিমূলক পাঠ্যক্ৰম: Chartered Accountancy (CA) বা Company Secretary (CS)।
- আধুনিক ব্যৱসায়: BBA বা Integrated MBA। ইয়াৰ উপৰিও ‘FinTech’ বা ‘Data Analytics’-ৰ দৰে নতুন পাঠ্যক্ৰমে বহুজাতিক কোম্পানীত দুৱাৰ মুকলি কৰে।
কলা শাখা (Arts Stream)
- আইন (Law): ৫ বছৰীয়া Integrated LLB (CLAT-ৰ জৰিয়তে)।
- অসামৰিক সেৱাৰ প্ৰস্তুতি: স্নাতক মহলাত ইতিহাস, ৰাজনীতি বিজ্ঞান বা ভূগোলৰ দৰে বিষয় লৈ পঢ়িলে UPSC/APSC-ৰ বাবে এক সবল ভেটি তৈয়াৰ হয়।
- সৃজনীমূলক কেৰিয়াৰ: Digital Journalism, Animation, আৰু Mass Communication।
২. প্ৰতিযোগিতামূলক পৰীক্ষা: ১২-শ্ৰেণী পাছ কৰিয়েই চাকৰি
সোণকালে স্বাৱলম্বী হ’ব খোজা ছাত্ৰ-ছাত্ৰীৰ বাবে এইসমূহ শ্ৰেষ্ঠ পথ:
- কেন্দ্ৰীয় চৰকাৰ: SSC CHSL (LDC/DEO), আৰু RRB NTPC (Undergraduate পদ)।
- প্ৰতিৰক্ষা: NDA-ৰ জৰিয়তে ভাৰতীয় সেনাৰ লেফটেনেণ্ট পদত নিযুক্তি।
- অসম চৰকাৰ: Assam ADRE (Grade 3)।
৩. স্নাতক ডিগ্ৰীৰ পাছত বিষয়া পৰ্যায়ৰ কেৰিয়াৰ
স্নাতক ডিগ্ৰী লাভ কৰাৰ পাছত আপোনাৰ বাবে ৰাজকীয় মৰ্যাদাৰ চাকৰিসমূহ মুকলি হয়:
প্ৰশাসনিক সেৱা
- APSC (ACS/APS): অসমৰ অসামৰিক সেৱাৰ শীৰ্ষ পদ।
- UPSC (IAS/IPS): ভাৰতৰ সৰ্বোচ্চ ক্ষমতাশালী পদবী।
বেঙ্কিং আৰু কাৰিকৰী খণ্ড
- Bank Personal officer/Clerk: SBI, IBPS আৰু RRB-ৰ বাবে স্নাতক ডিগ্ৰীধাৰীসকলে আবেদন কৰিব পাৰে।
- ইঞ্জিনিয়াৰিং বিশেষ: GATE পৰীক্ষাৰ জৰিয়তে PSU (ONGC, IOCL, GAIL, NTPC, POWERGRID, SAIL, AAI, NHPC) আদিত অফিচাৰ এন্ট্ৰি।
- AESRB & APSC AE: ইঞ্জিনিয়াৰিং কলেজত প্ৰবক্তা, পলিটেকনিক কলেজৰ লেকচাৰাৰ, চৰকাৰী বিভাগত সহকাৰী অভিযন্তা।
- SSC JE & RRB JE: ৰে’লৱে আৰু কেন্দ্ৰীয় লোকনিৰ্মাণ বিভাগত জুনিয়ৰ ইঞ্জিনিয়াৰ।
প্ৰতিৰক্ষা আৰু সুৰক্ষা
- UPSC CAPF (Assistant Commandant): অৰ্ধসামৰিক বাহিনীৰ বিষয়া।
- SSC CPO: দিল্লী পুলিচ আৰু CAPF (CISF, CRPF, ASSAM RIFLES, ITBP, SSB)-ত চাব-ইনস্পেক্টৰ।
- Combined Defence Services (CDS): সেনাবাহিনীত স্নাতক পৰ্যায়ৰ অফিচাৰ এন্ট্ৰি।
৪. ব্যক্তিগত খণ্ড আৰু উদীয়মান কেৰিয়াৰ
চৰকাৰী চাকৰিৰ বাহিৰেও ব্যক্তিগত খণ্ডত বৰ্তমান বহুত নতুন পথ মুকলি হৈছে:
- প্ৰযুক্তি খণ্ড: L&T, Tata Power, Reliance, Adani আদিৰ দৰে কোম্পানীত কাৰিকৰী বিষয়া।
- ডিজিটেল স্কিল: Data Science, AI & Machine Learning, আৰু Digital Marketing-ত দক্ষতা থাকিলে লাখ টকীয়া দৰমহাৰ চাকৰি পোৱাটো সম্ভৱ।
ভৱিষ্যতৰ বাবে “Right Choice” কেনেকৈ কৰিব?
১. নিজৰ ৰুচি চিনি পাওক: আনৰ দেখা-দেখিকৈ নহয়, আপুনি কি কৰি ভাল পায় সেইটো স্থিৰ কৰক।
২. Skills-ৰ ওপৰত গুৰুত্ব দিয়ক: ডিগ্ৰীৰ লগতে কম্পিউটাৰ (Excel, Coding) আৰু যোগাযোগৰ দক্ষতা (Communication Skills) বঢ়াওক।
৩. সময়ৰ ব্যৱহাৰ: স্নাতক মহলাৰ প্ৰথম বৰ্ষৰ পৰাই UPSC/APSC বা অন্যান্য প্ৰতিযোগিতামূলক পৰীক্ষাৰ বাবে মানসিকভাৱে সাজু হওক।
হাৰ মানি নাযাব: সংগ্ৰামেই সফলতাৰ চাবিকাঠি
কেৰিয়াৰ গঢ়াৰ পথত কেতিয়াবা আন্ধাৰ দেখিব পাৰে, কিন্তু সেই আন্ধাৰৰ পাছতেই পোহৰ আছে। তলত কেইটামান কথা মনত ৰাখিব:
- চেষ্টা অব্যাহত ৰাখক (Never Give Up): পৃথিৱীৰ কোনো সফল ব্যক্তিয়েই প্ৰথম চেষ্টাতে সফল হোৱা নাই। আপুনি আজি যিটো পৰীক্ষাত ব্যৰ্থ হৈছে, সেইটোৱেই আপোনাক অহা বছৰৰ টপাৰ (Topper) হ’বলৈ শক্তি দিব।
- ধাৰাবাহিকতা (Consistency): বুদ্ধিমানতকৈ পৰিশ্ৰমী মানুহহে সোণকালে সফল হয়। দিনটোত ১০ ঘণ্টা পঢ়াতকৈ দিনে ৩ ঘণ্টাকৈ গোটেই বছৰটো পঢ়াটো অধিক ফলদায়ক।
- নিজৰ ওপৰত বিশ্বাস ৰাখক: যদি আন এজনে পাৰিছে, আপুনিও পাৰিব। অসমৰ হাজাৰ হাজাৰ গাঁৱৰ পৰা ওলাই অহা ছাত্ৰ-ছাত্ৰীয় আজি IAS, IPS বা ACS বিষয়া হৈছে। তেওঁলোকতকৈ আপুনি কোনো গুণে কম নহয়।
সপোনক কৰক লক্ষ্য, পৰিশ্ৰমক কৰক সাৰথি
কেৰিয়াৰ গঢ়াৰ এই দীঘলীয়া যাত্ৰাত ভাগৰি নপৰিব। ভাৰতৰ প্ৰাক্তন ৰাষ্ট্ৰপতি তথা মিছাইল মেন ড° এ.পি.জে. আব্দুল কালামে এটা অতি সুন্দৰ কথা কৈছিল—
“সপোন সেয়া নহয় যিটো তুমি টোপনিত দেখা, সপোন সেয়াহে যিটোৱে তোমাক শুবলৈ নিদিয়ে।”
গতিকে, যদি আপোনাৰো চকুৰ আগত এটা সুন্দৰ ভৱিষ্যতৰ সপোন আছে, তেন্তে আজিৰ পৰাই এলাহ ত্যাগ কৰি লক্ষ্যৰ দিশত খোজ লওক। নিজৰ চেষ্টা অব্যাহত ৰাখক আৰু মনত দৃঢ় বিশ্বাস ৰাখক যে— “আপুনি পাৰিবই”।
মনত ৰাখিব, কঠোৰ পৰিশ্ৰমৰ কোনো বিকল্প নাই আৰু যিসকলে চেষ্টা কৰিবলৈ নেৰে, তেওঁলোকৰ কেতিয়াও পৰাজয় নহয়।
Disclaimer (দাবী ত্যাগ):
প্ৰিয় পাঠকসকল, এই প্ৰবন্ধটোৰ জৰিয়তে মই আপোনালোকক সমসাময়িক সঠিক আৰু শেহতীয়া তথ্যসমূহ যোগান ধৰিবলৈ যথাসম্ভৱ চেষ্টা কৰিছোঁ। ইয়াৰ বাবে মই বিভিন্ন বিশ্বাসযোগ্য উৎসৰ পৰা তথ্যসমূহ সংগ্ৰহ কৰি ভালদৰে পৰীক্ষা কৰিহে ইয়াত লিখোঁ।তথাপিও, টাইপিং বা অন্য কাৰিকৰী কাৰণত ক’ৰবাত দুই-এটা বানান ভুল বা বাক্য গঠনত ত্ৰুটি থাকি যাব পাৰে। যদিহে আপোনালোকে তেনেকুৱা কিবা ভুল দেখা পায়, তেন্তে মোক সৰলতাৰে আঙুলিয়াই দিব পাৰে; মই সেইবোৰ শুধৰাই ল’বলৈ সদায় প্ৰস্তুত। আপোনালোকৰ মৰম আৰু সহযোগিতাই মোক ভৱিষ্যতে আৰু অধিক উন্নত মানদণ্ডৰ লেখা আগবঢ়াবলৈ অনুপ্ৰাণিত কৰিব।
ধন্যবাদেৰে
mysmartstudy Team